Messi "Barselona"ya qayıtmaq istəyir - Atası təsdiqlədi

Lionel Messinin atası oğlunun "Barselona"ya qayıtması ehtimalından danışıb.

Press.az xəbər verir ki, o, 35 yaşlı hücumçunun bunu istədiyini təsdiqləyib: “Leo "Barselona"ya qayıtmaq istəyir. Mən də onu dəstəkləyirəm.  İnanırıq ki, Leo geri qayıda biləcək”.

Qeyd edək ki, Messi 2004-2021-ci illərdə "Barselona"da oynayıb. O, 2 gün əvvəl 2021-ci ilin yayından etibarən çıxış etdiyi PSJ-dən ayrılıb.

Xatırladaq ki, La Liqa bu yaxınlarda "Barselona"nın maliyyə planını təsdiqlədiyi üçün klub argentinalıya rəsmi təklif göndərə bilər.