Xavi: "İnsanlar bizim ÇL-i qazanmağımızı istəyirlər, amma..."

"Barselona"nın baş məşqçisi Xavi maliyyə məhdudiyyətlərinin klubun transfer planlarına təsirindən danışıb.

Press.az xəbər verir ki, mütəxəssis deyib: “Biz maddi vəziyyətdən asılıyıq. İnsanlar başa düşməlidirlər ki, bizə çox ciddi iqtisadi vəziyyət miras qalmışdır.

Klub "Barselona"nın bütün tarixi boyu malik olduğu rəqabət qabiliyyətini bərpa etmək üçün böyük səy göstərir. Bu il isə keçən ilki vəziyyətdəyik, bəlkə də daha pis vəziyyətdəyik. İstədiyimiz futbolçuların transeridə problem yarana bilər. 

İnsanlar La Liqanı, Çempionlar Liqasını qazanmağı tələb edirlər. Lakin biz digər klublarla eyni səviyyədə deyilik. Biz "Mançester Siti", "Bavariya", "Real" və "Yuventus" ilə eyni iqtisadi səviyyədə deyilik.

“Biz bu oyunçunu bəyənirik, onu alırıq” deyə bilmərik".

Qeyd edək ki, maliyyə feyr pley qaydalarına görə "Barselona" futbolçu transferində və onların qeydiyyatdan keçirilməsində problem yaşayır.