Superliqa klubu müvəqqəti baş məşqçisini açıqladı

“Fatih Karagümrük” Andrea Pirlonu istefaya gödərdikdən sonra komandaya müvəqqəti baş məşqçisi təyin edib.

Press.az xəbər verir ki, bu barədə klubun saytı məlumat yayıb. Mövsümün qalan hissəsində Superliqa təmsilçisini Alparslan Erdem çalışdıracaq.

O, indiyədək klubda məşqçi kimi fəaliyyət göstərirdi.

Xatırladaq ki, İstanbul təmsilçisi bu mövsüm topladığı 44 xalla Superliqada 9-cu pillədə qərarlaşıb.