Azərbaycan bədii gimnastı Zöhrə Ağamirova Bakıda keçirilən 39-cu Avropa çempionatında bürünc medal qazanıb.
Press.az xəbər verir ki, o, top ilə hərəkətlərin icrasında 32,850 xal alıb və 3-cü olub.
İtaliyalı gimnast Sofia Raffaeli 33,650 xalla yarışı 1-ci, Bolqarıstan təmsilçisi Stiliana Nikolova 33,350 xalla 2-ci pillədə yeri tutub.
Xatırladaq ki, gənclərdən ibarət qrup komandamız çempionatın ilk günündə çoxnövçülükdə və beş topla yarışlarda bürünc medal qazanıb. Böyüklərdən ibarət komandamız da çoxnövçülükdə üçüncü olub.