Cüdoçularımızdan 11 medal

Bosniya və Herseqovinanın paytaxtı Sarayevo şəhərində keçirilən cüdo üzrə böyüklər arasında Avropa kubokunda Azərbaycan cüdoçuları 2 qızıl, 1 gümüş və 1 bürünc medal əldə ediblər.

Press.az xəbər verir ki, turnirin ilk günündə kişilər arasında 60, 66 və 73 kq çəki dərəcələrində 6 cüdoçumuz medallar uğrunda mübarizə aparıb.

66 kq çəkidə Ruslan Paşayev qızıl, Kamran Süleymanov bürünc medal əldə edib. 73 kq çəkidə final görüşündə iki cüdoçumuz İbrahim Əliyev və Telman Vəliyev qarşılaşıb. Nəticədə İbrahim Əliyev qızıl medal əldə edib. -60 kq. çəkidə Rövşən Əliyev 5-ci, 66 kq. çəkidə Tofiq Əliyev isə 7-ci yerlə kifayətlənib.

İspaniyanın Malaqa şəhərində keçirilən gənclər arasında Avropa kubokunun ilk yarış günündə isə cüdoçularımız 1 qızıl və 1 bürünc medal qazanıblar.

Nizami İmranov (60 kq) yarışı 5-ci yerdə başa vurub. Aydın Rzayev (66 kq) qızıl medal qazanıb. Eyni çəki dərəcəsində yarışan digər cüdoçularımız Nicat Nağıyev 7-ci, Samir Piriyev 5-ci yerə çıxıb. -73 kq çəkidə Süleyman Əliyev yarışı 3-cü yerdə başa vurub. Eyni çəki dərəcəsində yarışan digər cüdoçumuz Vüsal Qələndərzadə 5-ci yerlə kifayətlənib.

Polşanın Bielsko Biala şəhərində keçirilən yeniyetmələr arasındakı Avropa kubokunun ilk günündə isə Azərbaycan idmançıları 1 qızıl, 1 gümüş və 3 bürünc medal əldə ediblər.

Oğlanlar arasında Əhməd Rüstəmov (50 kq) və Məhəmməd Məmişov, Cəsur İbadlı (66 kq) bürünc medal əldə edib.

Qızlar arasında Vüsalə Hacızadə (48 kq) qızıl, Xədicə Qədəşova (52 kq) gümüş medal qazanıb. Nigar Məmişova (42) 5-ci, Aytən Verdiyeva (52 kq) isə yarışı 7-ci yerdə başa vurub.