Fergüsson Ronaldonu niyə kapitan etməmişdi? - Əsl səbəb məlum oldu

Kriştiano Ronaldo 2006-2009-cu illərdə "Mançester Yunayted"də çıxış edərkən komandanın həmin vaxtlardakı baş məşqçisi Aleks Fergüsson hücumçunu bəyənirdi. Buna baxmayaraq, o, Ronaldoya kapitanlıq sarğısını verməmişdi.

Press.az xəbər verir ki, "qırmızı şeytanlar"ın sabiq futbolçusu Qarri Nevill illər sonra bunun səbəbini açıqlayıb. O deyib.

“Möhtəşəm komandamız var idi: Ronaldo, Runi, Teves, Giqqz, Skoulz, Karrik, Ferdinand, Vidiç, Evra, Van der Sar. ... bu qrupda bəzi böyük şəxsiyyətlər və oyunçular var idi.

Bir gün mən ser Aleksin yanına getdim. O mənə dedi: “Bu lənətə gəlmiş sarğı sənindir, oğlum". Və sonra izah etdi: “Sən və Giqqz kapitan olacaqsınız. Sarğını Ronaldoya versəm, Runi narazı qalacaq. Sarğını Runiyə versəm, Ronaldo əsəbiləşəcək. Vidiçə versəm, Ferdinand xoşbəxt olmayacaq”.

Beləliklə, Giqqz və mən kapitan idik".