Firminodan ayrılıq açıqlaması

"Liverpul"un hücumçusu Roberto Firmino cari mövsümün sonunda İngiltərə klubunu tərk etmək qərarı barədə danışıb.

Press.az xəbər verir ki, 31 yaşlı hücumçu "mersisaydlılar"da keçirdiyi illərin onun üçün xüsusi olduğunu deyib:

“Təəssüf ki, yoluma başqa bir komandada davam etməyin vaxtıdır. Mən burada yaşadığım möhtəşəm hekayə ilə fəxr edirəm. Bu, tamamilə inanılmaz idi. Biz gələcək nəsillərə böyük bir miras qoyub gedirik. "Liverpul"da sevilməyim məni çox xoşbəxt edir. Bu cür güclü futbolçularla birlikdə oynamaq mənim üçün şərəf idi".

Daha əvvəl "Liverpul" 31 yaşlı braziliyalının müqaviləsini yeniləməyəcəyini açıqlamışdı.

Qeyd edək ki, Firmino 2015-ci ildən "Liverpul"da oynayır.