Xavi: "Ömrümün sonuna qədər "Barselona"da qalaram"

"Barselona"nın baş məşqçisi Xavi klubdakı gələcəyi haqda danışıb.

Press.az "Diario Sport"a istinadən xəbər verir ki, mütəxəssis ömrünün sonuna kimi Kataloniya təmsilçisində qalmaq istədiyini deyib: “Klubla bəzi məqamları müzakirə etdik və maaşım problem olmayacaq. Bu, mənim üçün prioritet deyil, gələn ilə qədər müqaviləm var. Prioritet titullar qazanmaq üçün heyəti gücləndirməkdir. Mən "Barselona" üçün problem olmayacağam.

Ömrümün sonuna qədər burada qalaram, amma hər şey nəticələrdən asılıdır. Bu mövsüm mənə işləməyə davam etmək hüququ verir. "Barselona" dünyanın ən tələbkar və çətin klubudur. Nələr olacağını görəcəyik".

Qeyd edək ki, Xavinin "Barselona" ilə hazırkı müqaviləsi gələn mövsümün sonuna qədərdir. Rəhbərlik onunla müqabiləni 2026-cı ilin yayına qədər uzatmaq istəyir.