Kroyfun oğlu "Barselona"dan ayrılacağını açıqladı

Əfsanəvi futbolçu və baş məşqçi Johan Kroyfun oğlu Yordi Kroyf "Barselona"dan ayrılır.

Press.az xəbər verir ki, bu barədə klubun mətbuat xidməti məlumat yayıb.

Ötən ilin sentyabrında Kataloniya təmsilçisinin idman direktoru təyin edilən niderlandlı mütəxəssis mövsümün sonunda "Barselona"nı tərk edəcəyini açıqlayıb.

Qeyd edək ki, Yordi Kroyf futbolçu kimi də "Barselona"da çıxış edib. 49 yaşlı mütəxəssis bundan əvvəl Çin və İsrail klublarını, elcə də Ekvador millisini çalışdırıb.