"Gent"in hücumçusu Avropanın nəhəng klublarının hədəfində

"Gent"in hücumçusu Gift Orbanla Avropanın bir neçə aparıcı klubu ilə maraqlanır.

Press.az "Nieuwsblad"a istinadən xəbər verir ki, “Barselona”, “Mançester Yunayted”, “Tottenhem”, “İnter”, “Borussiya"( Dortmund) və “Lill”dən olan skautlar 20 yaşlı oyunçunun bacarıq səviyyəsini şəxsən qiymətləndirmək üçün ötən həftəsonu Belçikaya səfər ediblər. 20 yaşlı nigeriyalı skautların onu izlədiyi "Serkl Brügge"yə  (4:0) qarşı matçda 17 dəqiqədə het-trik edib.

Qeyd edək ki,  Orban avrokuboklarda ən sürətli het-trikin (3 dəqiqə 25 saniyə) müəllifidir. Onun klubu ilə müqaviləsi 2027-ci ilin yayına qədərdir.