"Real" yay transfer pəncərəsində PSJ-nin hücumçu Kilian Mbappe üçün danışıqlar aparmayacaq.
Press.az xəbər verir ki, bu barədə "Marca" məlumat yayıb. Futbolçunun 2023-cü ildə transferinin onun maaşının çox olması səbəbindən mümkün olmadığı bildirilir.
Vəziyyət yalnız 2024-cü ildə o halda dəyişə bilər ki, fransalı oyunçu müqavilənin bitməsinə bir il qalmış klubu tərk etmək qərarına gəlsin.
2022-ci ildə Mbappe "Real"a keçə bilərdi. Lakin o, son anda PSJ ilə müqaviləsini uzadıb.
24 yaşlı hücumçu bu mövsüm 40 oyun keçirib, 38 qol vurub və 9 qolun ötürməsini verib.