"Barselona" Ştegenin sayəsində liderdir"

"Real"ın qapıçısı Tibo Kurtua La Liqanın 26-cı turunda "Barselona" ilə bugünkü oyun öncəsi fikirlərini bildirib.

Press.az "Diario Sport"a istinadən xəbər verir ki, o, Kataloniya təmsilçisinin Ştegen sayəsində lider olduğunu söyləyib: “Mən düşünmürəm ki, Ter Ştegen çox da irəliləyiş əldə edə bilməyib. O, həmişə əla qapıçı olub. Bəzən geriləyirsən, bəzən bəxtin gətirə bilər. İndi o, yaxşı işləyir. Qapıçı özünə inam hiss edəndə daha da güclənir.

"Barselona" bu il müdafiədə çox yaxşıdır və onları bir neçə dəqiqədə ter Ştegen xilas etdi. Bir çox matçda 1:0 hesabı ilə qalib gəliblər. Ştegen olmasaydı, bu oyunlar heç-heçə ilə bitə bilərdi. Amma onun "Real"a  qarşı çox seyvlər etməsini istəmirəm".

Qeyd edək ki, "Barselona" La Liqada hazırda liderdir.