Xərçəngə qalib gəldi, 531 gündən sonra meydana çıxdı

“Bornmut”un xərçəng xəstəliyinə qalib gələn futbolçusu Devid Bruks 531 gündən sonra ilk dəfə oyuna çıxıb.

Press.az xəbər verir ki, uesli yarımmüdafiəçi İngiltərə Premyer Liqanın 28-ci turunun “Aston Villa” ilə matçın (0:3) 79-cu dəqiqəsində meydana daxil olub.

Qeyd edək ki, 26 yaşlı yarımmüdafiəçiyə 2021-ci ilin oktyabrında limfa düyünlərinin xərçəngi diaqnozu qoyulub. 2022-ci ilin avqustunda klub onunla müqaviləni uzadaraq futbolçuya jest edib. "Mançester Siti"nin yetirməsi olan futbolçu 2018-ci ildən "Bornmut"da çıxış edir.