Qadın güləşçimiz bürünc medal qazandı

Azərbaycanın qadın güləşçisi Jalə Əliyeva (57 kq) Rumıniyanın paytaxtı Buxarestdə təşkil olunan U-23 Avropa çempionatında bürünc medal qazanıb.

Press.az xəbər verir ki, o, 3-cü yer uğrunda görüşdə italiyalı Auroro Russo ilə üz-üzə gəlib. Jalə rəqibini 6:2 hesabı ilə məğlub edib.

Gültəkin Şirinova (53 kq) isə bürünc medal qarşılaşmasında moldovalı Mariana Draqatuna uduzub və 5-ci yerlə kifayətlənib.