Məşhur kolumbiyalı müğənni Şakira keçmiş sevgilisi Jerar Pike haqqında mahnı yazmasının səbəbini açıqlayıb.
Press.az xəbər verir ki, o, "Sportface"ə açıqlamasında deyib:
“Bu mahnının gözəlliyi ondadır ki, o, bir çox qadının himninə çevrilib. Ayrıldıqdan sonra çox çətin bir il yaşadım. Bu mahnını yazmaq mənim üçün çox vacib idi. Eyni şeyi yaşayan qadınlara o qədər yaxınlıq hiss etdim ki... Keçməli olduğum bütün pisliklərdən keçdim".
Xatırladaq ki, Pike və Şakira ötən ilin yayında ispaniyalı sabiq futbolçunun xəyanəti səbəbindən ayrılıblar. Onların Milan və Saşa adlı 2 övladı var. "Barselona"nın sabiq futbolçusu isə bir müddət əvvəl ispaniyalı model Klara Çia Marti ilə münasibətinin olduğunu açıqlayıb.