Dubl edən Kadidən açıqlama

“Komandamız üçün çox yaxşı oyun oldu. Bəli, bu gün qollar vurdum, amma özüm haqqımda çox danışmaq istəmirəm. Çünki bu gün bir olduğumuzu sübut etdik".

Press.az TASS agentliyinə isinadən xəbər verir ki, bu sözləri ötən gün Rusiya Premyer Liqasının 19-cu turunda Moskva "Dinamo"su ilə oyunda (3:1) dubl edən "Qarabağ"ın sabiq futbolçusu Kadi Borges deyib.

Braziliyalı yarımmüdafiəçi yeni komandasına adaptasiya olduğunu bildirib: "Komandaya və çempionata uyğunlaşma yaxşı gedir. Mən Moskvada oynayanda soyuq idi, bu, hardasa mane olurdu, amma Krasnodarda temperatur mənim üçün rahatdır".

Qeyd edək ki, yanvarda "Qarabağ"dan "Krasnodar"a keçən Kadi Borges ötən gün fərqlənməklə Rusiya çempionatında ilk qollarını vurub.