"Barselona"nın futbolçusu cəzalandırıldı

"Barselona"nın müdafiəçisi Ronald Arauxo 1 oyunluq cəzalanıb.

Press.az xəbər verir ki, bu barədə COPE məlumat yayıb. İspaniya Futbol Federasiyasının (RFEF) Rəqabət Komitəsi "Barselona"nın "Valensiya"ya 1:0 hesabı ilə qalib gəldiyi matçda qırmızı vərəqə alan uruqvaylıya bir oyunluq cəza verib.

24 yaşlı futbolçu La Liqanın 25-ci turunda martın 12-də baş tutacaq "Atletik"lə görüşü buraxacaq. O, martın 19-da "Real" ilə keçiriləcək "El-Klassiko"da iştirak edə biləcək.

Qeyd edək ki, Arauxo bu mövsüm La Liqada 13 oyuna çıxıb.