Mərakeş əsilli belçikalı futbolçu Ayyub Allaşın karyerasını “Qəbələ”də davam etdirəcəyi dəqiqləşib.
Press.az xəbər verir ki, bunu “qırmızı-qaralar”ın baş məşqçisi Elmar Baxşıyev deyib.
Təcrübəli mütəxəssis Premyer Liqanın 21-ci turunda “Zirə” ilə 2:2 hesablı heç-heçə etdikləri oyundan sonra 25 yaşlı yarımmüdafiəçi ilə anlaşdıqlarını söyləyib. O, hazırda Qəbələdə olan pleymeykerə böyük ümidlər bəsləyir: “Allaş ötən ilin yayından bəyəndiyim futbolçudur. İnanıram ki, çıxışı ilə komandamıza əlavə rəng qatacaq”.
Qeyd edək ki, Ayyub Allaşın son klubu Belçika təmsilçisi “Virton” olub.