"Zaqreb Open": Son gündə 10 güləşçimiz yarışır

Bu gün Xorvatiyada güləş üzrə ilin ilk reytinq turniri olan "Zaqreb Open"ə yekun vurulacaq.

Press.az xəbər verir ki, turnirin son günündə yunan-Roma güləşçiləri mübarizə aparacaqlar. Azərbaycanı 10 “klassik” təmsil edəcək.

60 kq
Nihat Məmmədli mübarizəyə təsnifatdan, Murad Məmmədov isə 1/8 finaldan başlayacaq.

72 kq
Ülvi Qənizadə təsnifat mərhələsinə başlayacaq.

82 kq. Tuncay Vəzirzadə təsnifat mərhələsində ilk görüşünü keçirəcək.

97 kq. Murat Lokyayev və Zamir Maqomedov təsnifatdan, Arif Niftullayev isə 1/8 finaldan başlayacaq.

130 kq
Sabah Şəriəti ilk görüşünü təsnifat mərhələsində keçirəcək. Sərxan Məmmədov və Beka Kandelaki isə 1/8 finaldan başlayacaq.

Qeyd edək ki, Azərbaycan güləşçiləri bunadək turnirdə 10 (2-2-6) mükafat qazanıblar. Yunan-Roma güləşində Taleh Məmmədov (63 kq), sərbəst güləşdə Əliabbas Rzazadə (57 kq) qızıl medala sahib çıxıblar. Sərbəst güləşdən Hacı Əliyev (70 kq) və Giorgi Meşvildişvili (125 kq) gümüş, Əli Rəhimzadə (65 kq), Hacımurad Hacıyev (70 kq), Cəbrayıl Hacıyev (74 kq) ), Osman Nurmaqomedov (92 kq), Maqomedxan Maqomedov (97 kq) və qadın güləşçi Alyona Kolesnik (59 kq) bürünc mükafat əldə edblər.