"Turan Tovuz" Antalya toplanışını qələbə ilə başa vurdu

Antalyada təlim-məşq toplanışında olan "Turan Tovuz" bu gün 3-cü - sonuncu yoxlama matçına çıxıb.

Press.az xəbər verir ki, bölgə təmsilçisi Qazaxıstanın 1-ci divizionunda mübarizə aparan "Jetisu" ilə qarşılaşıb.

Görüş "Turan Tovuz"un 2:0 hesablı qələbəsi ilə başa çatıb. Qolları Ayxan Hüseynov (20) və Denis Marandiçi (44) vurub.

Qeyd edək ki, ilk sınaq matçında Rumıniya "Petrolul"una uduzan (2:3) "Turan Tovuz" ikinci oyununda İsveçrənin "Aarau" klubunu üstələyib- 1:0. Komanda yanvarın 18-də hazırlığı başa vuraraq vətənə qayıdacaq.