Deşam Fransa millisində qalacaq?

Fransa Futbol Federasiyasının prezidenti Noel Le Qre millinin baş məşqçisi Didye Deşamın gələcəyi haqda danışıb.

Press.az "Sport Bild"ə istinadən xəbər verir ki, o  bildirib ki , Fransa DÇ-2022-də yarımfinalına çıxacağı təqdirdə, mütəxəssis vəzifəsində qalacaq:

“Əgər cavab verməyimdə israr edirsinizsə, o zaman dürüst olacağam. Didyenin qalmasını istəyirəm. Əgər Fransanı yarımfinala çıxara bilsə, o zaman  yekun qərarı mütləq özü verəcək. Bəzilərinin dediyinin əksinə olaraq, mən həyatımda heç vaxt Zidanı düşünməmişəm... Həm də ətrafımdan ona zəng edən də olmayıb. Mən bütün bunları bir dost kimi deyil, federasiyanın prezidenti kimi deyirəm”.

Xatırladaq ki, Deşamın rəhbərliyi altında Fransa DÇ-2018-in qalibi olub. Komanda DÇ-2022-nin 1/4 finalında İngiltərə ilə qarşılaşacaq.