DÇ-2022: Avstraliyalı futbolçu Qətərdəki mundialın tarixinə düşüb

Avstraliya millisinin futbolçusu Mitçell Dyuk Qətərdə keçirilən dünya çempionatının tarixinə düşüb.

Press.az xəbər verir ki, Tunisə qarşı D qrupunun II tur matçında hesabı açan 31 yaşlı hücumameylli yarımmüdafiəçi aşağı liqa klubunda oynayıb mundialda qol vuran ilk oyunçu olub.

Hazırda Yaponiyanın II Liqa təmsilçisi "Facano Okayama"da forma geyinən vinger 23-cü dəqiqədə fərqlənib.

Qeyd edək ki, Avstraliya millisi məhz Mitçell Dyukun vurduğu yeganə qolla qələbə qazanıb.