"Qarabağ"ın qapıçısı Şahruddin Məhəmmədəliyev Avropa Liqasının qrup mərhələsinin 3-cü turunda "Olimpiakos"la Yunanıstanda keçirəcəkləri matç barədə danışıb.
Press.az xəbər verir ki, o, oyundan əvvəl təşkil olunan mətbuat konfransında deyib:
"Bu şəhərə çox güclü rəqiblə oynamaq üçün gəlmişik. Sabah yaxşı futbol oynamaq üçün əlimizdən gələni edəcəyik. Rəqibin güclü futbolçuları və yaxşı azakreşləri var. Uşaq vaxtı futbol oynayanda belə atmosferdə və stadionda meydana çıxmaq arzularımdan biri olub. Bu, komandamız üçün üçün əlavə motivasiya olacaq və bizə zövq verəcək".
Qeyd edək ki, sabah "Georgios Karaiskakis" stadionunda keçiriləcək "Olimpiakos" - "Qarabağ" matçı Bakı vaxtı ilə saat 23:00-da başlayacaq.