Bakıda təlim-məşq toplanışını davam etdirən Azərbaycan millisinin heyətinə daha 2 futzalçı dəvət olunub.
Press.az xəbər verir ki, karyerasını Belçikanın “Beşiktaş Gent” klubunda davam etdirən Xətai Bağırov və İsa Atayev sabah komandanın hazırlığına qoşulacaq. Bu barədə Futzal Federasiyasının mətbuat xidməti məlumat yayıb.
Azərbaycan millisi oktyabrın 7-də, saat 20:00-da Bakı İdman Sarayında Polşa yığması ilə qarşılaşacaq. Bu matçdan 4 gün sonra komandamız Afinada Yunanıstan millisi ilə üz-üzə gələcək.