"De Byaziyə dedim ki, sən eksperiment aparırsan, əziyyəti isə biz çəkirik" - Video

"Matçdan sonra De Byaziyə yaxınlaşıb, oyunu müzakirə etməyə başladıq. Dedim ki, bir həftə boyu bu taktika ilə işləyirik, sonra oyuna 1-2 gün qalmış taktikanı dəyişirsən. Oyunçular bilmir, kim hara qaçsın. Ona dedim ki, sən eksperiment aparırsan, əziyyəti isə biz çəkirik".

Press.az xəbər verir ki, bu sözləri millimizin kapitanı  Maksim Medvedev İctimai TV-də yayımlanan  və Kənan Hakimovun aparıcı olduğu "Bol idman" verilişində yığmanın baş məşqçisi Canni De Byazi ilə aralarındakı gərginlik barədə danışarkən deyib.

O,   bu gün axşlam yayımlanacaq verilişdə De Byazinin Qara Qarayevi yığmaya dəvət etməməsi barədə bunları söyləyib: "Fikrimcə, onun çağırılmaması boyla əlaqəli deyil. İndiyədək Eddi də var idi, amma Qara oynayırdı. Nə oldu, Eddi gəldi, deyirsən, Qaranın boyu balacadır?"

 M.Medvedev millidə baş məşqçi vəzifəsinə ən yaxın namizədin Rəşad Sadıqov olduğunu deyib: "Onu baş məşqçi təyin edib, 3-4 il vaxt versinlər. O da bu müddətdə komandanı formalaşdırsın. Ondan sonra, görək, nəticə necə olacaq".