Ötən gün Türkiyə Superliqasının 7-ci turunda "Qalatasaray" - "Konyaspor" görüşündə qalmaqal yaşanıb.
Press.az xəbər verir ki, bu, 89-cu dəqiqədə İstanbul təmsilçisinin yeni transferi Mauro İkardi ilə "Konyaspor"un qapıçısı İbrahim Şehiç arasında baş verib. Nəticədə Şehiç qırmızı vərəqə alaraq meydandan qovulub.
Bundan sonra "Konyaspor" əvəzetmə limitini aşdığı üçün qapısına müdafiəçi Adil Demirbağı qoyub. Maraqlıdır ki, "Qalatasaray" buna baxmayaraq, son dəqiqələrdə "Konyaspor"un qapısına qol vura bilməyib.
Lakin İstanbul təmsilçisi 1-ci dəqiqədə futbolçusu Serxio Olivieranın və 82-ci dəqiqədə "Konyaspor"un oyunçusu Fransisko Kalvonun vurduğu avtoqolla qalib gəlib - 2:1. "Konyaspor"dan isə 15-ci dəqiqədə Endri Çekici fərqlənib.
Xatırladaq ki, İ.Şehiç 2013-2018-ci illərdə "Qarabağ"ın formasını geyinib.