Naqelsmann Ronaldo haqqında bunları dedi

"Bavariya"nın baş məşqçisi Yulian Naqelsmann "Mançester Yunayted"in futbolçusu Kriştiano Ronaldonun Dortmund "Borussiya"sına keçəcəyi barədə yayılan məlumatlara münasibət bildirib.

Press.az xəbər verir ki, o, deyib:

“Düzünü desəm, onun "Borussiya"ya getməsi məni maraqlandırmır. Bu, mənim üçün əhəmiyyətli deyil. Onun hələ də “Mançester Yunayted”lə müqaviləsi var. Başqa klublarınoyunçuları haqqında danışmamağı öyrənmişəm. O, yaxşı futbolçudur, çoxlu qollar vurub. Yəqin ki, istənilən liqada daha bir neçə qol vuracaq. Amma bu, iqtisadi məsələdir. Düşünürəm ki, bir çox klublar onunla müqavilə bağlamaq istəyər. Lakin ən azı 15 Bundesliqa klubu üçün onun illik maaşını qarşılamaq mümkün olmaz. Ronaldonun illik 500 min avroya oynadığını düşünmürəm".

Qeyd edək ki, Ronaldonun "Mançester Yunayted"dən ayrılmaq istədiyi barədə məlumatlar yayılıb. O, ötən ildən bu komandada oynayır.