"Ferentsvaroş" - "Qarabağ" matçının hakimləri bilindi

Çempionlar Liqasının 3-cü təsnifat mərhələsində keçiriləcək "Ferentsvaroş" (Mavcarıstan) - "Qarabağ" matçı üçün hakim təyinatları açıqlanıb.

Press.az UEFA-nın rəsmi saytına istinadən xəbər verir ki, Budapeştdəkı qarşılaşmanı İspaniyadan olan hakimlər briqadası idarə edəcək.

Görüşün baş hakimi Karlos del Serro olacaq. Ona yan xətdə Xose Naranxo və Qonsalo Qonsales köməklik göstərəcək. Dördüncü hakim funksiyasını Migel Anxel Ortis Arias yerinə yetirəcək.

Qeyd edək ki, avqustun 9-da oynanılacaq matç Bakıda vaxtı ilə saat 22:00-da başlayacaq. İlk görüş isə avqustun 3-də Tofiq Bəhramov adına Respublika stadionunda olacaq.