"Real"da kimlərlə oynadığımı xatırlayanda ürəyim ağrıyır"

"İnter Mayami"nin hücumçusu Qonsalo İquain "Real"da oynadığı vaxtları xatırlayıb.

Press.az "Marca"ya istinadən xəbər verir ki, o deyib: "Hamı mənə böyük sevgi ilə yanaşdı. Roberto Karlos çox təvazökar idi və bizimlə maraqlanırdı. Ronaldo, Helquera, Kannavaro, Raul, Bekhem... Onların hamısını sadalamaq çətindir. Birlikdə oynadığım bütün oyunçuları xatırlayanda ürəyim ağrıyır. Bəzən bunun necə olduğunu tam başa düşə bilmirəm. Roberto Karlosla oynadım, Ronaldo mənim qarşımda çıxış etdi. Bu, böyük karyeradır".

Qeyd edək ki, İquain 2006-2013-cü illərdə "Real"da oynayıb.