Avropa çempionatında bir gündə 4 qızıl, 1 bürünc medal

Rumıniyanın paytaxtı Buxarestdə güləş üzrə U-17 Avropa çempionatı davam edir.

Press.az xəbər verir ki, bu gün daha 4 sərbəst güləşçimiz qızıl medal qazanıb. 

Finalda Yusif Dursunov (110 kq) türkiyəli Taha Yakup Temelə 6:0, İlyas İsayev (65 kq) gürcüstanlı Qoqa Otinaşviliyə 3:0, Camal Abbasov (55 kq) ukraynalı İliya Şketikə "tuşe", Vasif Bağırov (48 kq) finalda fransalı Rasul Qalburayevə "tuşe" ilə qalib gələrək Avropa çempionu olublar.

Bu gün Şəmistan Axundov (80 kq) ukraynalı Pavlo Vaskovskiyə 5:4 hesabıyla qalib gələrək Avropa çempionatının bürünc medalını qazanıb.