Kloze bu klubun baş məşqçisi təyin olundu

Almaniya millisinin sabiq hücumçusu Miroslav Kloze "Altax"ın baş məşqçisi təyin olunub.

Press.az klubun saytına istinadən xəbər verir ki, o, bazar günü  Avstriya təmsilçisi ilə müqavilə imzalayacaq, təqdimat isə bazar ertəsi olacaq.

44 yaşlı mütəxəssis daha əvvəl Almaniya millisinin və "Bavariya"nın məşqçilər korpusunda çalışıb, həmçinin "Bavariya U17" komandasının baş məşqçisi olub.

Qeyd edək ki, "Altax" Avstriya Bundesliqasında mübarizə aparır.