"Beşiktaş" heyətini tanınmış futbolçu ilə gücləndirəcək.
Press.az offsideplus.az-a istinadən xəbər verir ki, "qara qartallar" hazırda Belçika təmsilçisi "Brügge"də çıxış edən Bas Dostla anlaşmaq üzrədir. Niderlandlı oyunçunun hazırkı klubu ilə sözləşməsi bu yay başa çatır.
Qeyd edək ki, Bas Dost karyerası ərzində "Herakles", "Heerenveen", "Volfsburq", "Sportinq" ( Lissabon ) və "Ayntraxt" ( Frankfurt ) formaları geyinib. O, Niderland millisinin heyətində də 18 matçda 1 qol vurub.