"Tottenhem"in baş məşqçisi Antonio Konte "Arsenal"ın çalışdırıcısı Mikel Artetanı şikayətlənməsinə görə tənqid edib.
Press.az xəbər verir ki, buna səbəb Artetanın Premyer Liqanın 36-cı turunda "Tottenhem"ə uduzduqları matçdan (0:3) sonra verdiyi açıqlamalar olub. O, görüşün baş hakimi Pol Tiernidən narazı qaldığını bildirib. Konte isə məsələyə belə reaksiya verib:
"Arteta çox şikayətlənir. O, daha çox komandasına köklənməlidir. Arteta "Arsenal"dakı işinə davam etməlidir. Çünki işini çox yaxşı bacarır. Amma onun daim şikayət etdiyini eşitmək xoş deyil".