PSJ-nin futbolçusu Kilian Mbappe Madridə gedib.
Press.az "Deportes COPE"yə istinadən xəbər verir ki, fransalı hücumçu Paris təmsilçisindəki komanda yoldaşı Aşraf Hakimi ilə birgə Madriddə restoranlardan birinə gedərkən görüntülənib. Adı "Real"la hallanan oyunçu klubun bütün futbolçulara çərşənbə gününə kimi verdiyi icazədən bu şəkildə istifadə edib. Onun Madriddə olması "Real"a transfer oluna biləcəyi ilə bağlı yayılan iddiaları yenidən gündəmə gətirib.
Qeyd edək ki, bundan əvvəl Mbappenin PSJ ilə iki illik yeni müqavilə imzalayacağı ilə bağlı xəbərlər yayılmışdı.