"Uotford"da icarə əsasənda çıxış edən Türkiyə millisinin üzvü Ozan Tufan bu yay "Fənərbaxça"ya qayıdacaq.
Press.az "NTV Spor"a istinadən xəbər verir ki, 27 yaşlı oyunçu ilə imzalanan müqaviləyə əsasən, İngiltərə klubu Premyer Liqada qalacağı təqdirdə, "Uorford" oyunçunu birdəfəlik almalı idi. Ancaq klub elitanı tərk edəcəyi üçün O.Tufan bu yay "Fənərbaxça"ya qayıdacaq.
Qeyd edək ki, "Uotford" bu gün "Kristal Pelas"a 0:1 hesabı ilə uduzaraq yüksək liqada qalmaq şanslarını itirib.