"Qarabağ" "Zirə" ilə matça itkilərlə çıxacaq

Azərbaycan Premyer Liqasının 26-cı turunda "Zirə" ilə qarşılaşacaq "Qarabağ" oyuna ciddi itkilərlə çıxacaq.

Press.az xəbər verir ki, 25-ci turda "Sabah"la oyunda (1:1) qırmızı vərəqə ilə meydandan qovulan Patrik Andrade və mövsüm ərzində 4-cü dəfə sarı vərəqə alan Qara Qarayev "Zirə" ilə matçı buraxacaq. Zədə səbəbindən "Qarabağ"ın son iki matçını buraxan kapitan Maksim Medvedevin də bu görüşdə iştirakı sual altındadır.

Mayın 8-d keçiriləcək "Qarabağ" - "Zirə" qarşılaşması saat 20:15-də başlayacaq.

Xatırladaq ki, "Qarabağ" ötən tur "Sabah"la görüşdə çempionluğunu rəsmiləşdirib.