Kişi voleybolçular arasında Azərbaycan Yüksək Liqasında növbəti oyun keçirilib.
Press.az xəbər verir ki, günün yeganə oyununda MOİK “Murov”u sınağa çəkib.
2-ci tur çərçivəsində baş tutan qarşılaşma “Murov”un qələbəsi ilə yekunlaşıb.
İlk setdə 22:25 hesabı ilə uduzan MOİK növbəti hissədə 4 top fərqilə məğlub olub - 21:25. Üçüncü set gərgin mübarizə şəraitində keçib. MOİK 29:27 hesablı qələbə sayəsində fərqi azaldıb - 2:1. Lakin dördüncü set sonuncu olub. Bu dəfə 25:12 hesabı ilə qalib gələn “Murov” 3:1 hesablı qələbəsini rəsmiləşdirib.