"Barselona" Dembeleni transferə çıxardı

"Barselona" futbolçusu Usman Dembelenin tezliklə klubdan ayrılmasını istəyir.

Press.az xəbər verir ki, bu barədə klubun idman direktoru Matteu Alemani "Mundo Deportivo"ya açıqlamasında bildirib. O, fransalı hücumçunun transferə çıxarıldığını deyib: 

"Dembele bizim layihənin bir hissəsi olmağı arzulamır. Buna görə də dərhal getməsini tələb etdik. Usmanın yanvarın 31-dək satılacağını gözləyirik".

Qeyd edək ki, Usman Dembelenin "Barselona" ilə hazırkı müqaviləsi iyunun 30-dək nəzərdə tutulub.