"Zirə"dən Polşa klubu ilə əzmkar heç-heçə

Türkiyədə təlim-məşq toplanışında olan “Zirə” bu gün ikinci yoxlama görüşünü keçirib.

Press.az xəbər verir ki, komanda Polşanın yüksək liqa təmsilçisi“Qurnik”lə qarşılaşıb. Oyun 2:2 hesabı ilə başa çatıb. Oyunun gedişində Polşa klubu 2 top fərqi ilə irəlidə olsa da, Təmkin Xəlilzadə 50-ci, İlkin Muradov isə 60-cı dəqiqədə fərqlənərək məğlubiyyətə imkan verməyiblər.

Qeyd edək ki, “Zirə” ilk sınaq oyununda Macarıstan klubu “Zeç”ə 3:5 hesabı ilə uduzub. Bakılılar son yoxlama görüşünü yanvarın 24-də “Breqalniça”ya (Şimali Makedoniya) qarşı keçirəcək.