Kannavaro Polşa millisini çalışdırmaqdan imtina etdi

Polşa Futbol İttifaqı italiyalı məşqçi Fabio Kannavaro ilə razılığa gələ bilməyib.

Press.az İtaliya mətbuatına istinadən xəbər verir ki, 48 yaşlı çalışdırıcı uzun müddət aparılan danışıqlardan sonra qarşı tərəfin 2 illik müqavilə təklifini qəbul etməyib.

O, buna səbəb kimi Polşa millisini DÇ-2022-nin pley-off oyunlarına hazırlaşdırmaq üçün vaxtın az olduğunu göstərib.

Qeyd edək ki, Polşa millisi pley-offda ilk oyununu martın 24-də Rusiyaya qarşı keçirəcək.