Xorvatiya "Dinamo"su (Zaqreb) "Legiya"nın futbolçusu Mahir Emrelini transfer etmək üçün onun Varşava təmsilçisi ilə məsələsini həll etməsini gözləyir.
Press.az xəbər verir ki, bu barədı "24sata.hr" saytı məlumat yayıb. Bildirilib ki, millimizin üzvü Polşa klubu ilə müqavilənin ləğv edilməsini istəyib. Ancaq bu, FİFA-nın səlahiyyətində deyil. Çünki tərəflər arasında müqavilə yerli arbitarajın yurisdiksiyasına uyğun razılaşdırılıb. Bu isə Zaqreb təmsilçisinin işini çətinləşdirir.
Qeyd olunub ki, "Dinamo" Mahir üçün yüksək təzminat məbləği ödəmək istəmir. Buna görə klub rəhbərliyi 24 yaşlı oyunçu ilə "Legiya" arasında mübarizədə hüquqi vəziyyətin inkişafını gözləyirlər.
Qeyd edək ki, "Legiya"dan ayrılmaq istəyən Mahir Emreli komandanın təlim-məşq toplanışına qoşulmayıb. Onun adı Macarıstanın "MOL Fehervar" və Yunanıstanın "Aris" klubu ilə də hallanır.