Medina "Bazel"ə qarşı oynayacaq?

"Qarabağ"ın zədədən yenicə qayıtmış futbolçusu Kevin Medina Konfrans Liqasının qrup mərhələsinin sonuncu turunda "Bazel"ə qarşı oynaya bilər.

Press.az xəbər verir ki, bu barədə Ağdam klubunun baş məşqçisi Qurban Qurbanov keçirilən mətbuat konfransında bildirib: "O, bu gün komandaya qoşulacaq. Məşq etdikdən sonra ümumi gedişata baxacağıq. Hazır olsa, oynamaq ehtimalı var. Amma hələ məndə də bu barədə dəqiq məlumat yoxdur".

Qeyd edək ki, dekabrın 9-da keçiriləcək "Bazel" - "Qarabağ" görüşü Bakı vaxtı ilə saat 24:00-da başlayacaq.