"Napoli”nin hücumçusu Viktor Osimhen əməliyyat olunub.
Press.az klubun rəsmi saytına istinadən xəbər verir ki, üz sümüklərində çoxsaylı sınıqları olan futbolçu hazırda özünü yaxşı hiss edir. Nigeriyalı hücumçu daha bir neçə gün həkim nəzarət altında qalacaq. Onun təxminən 3 ay meydana çıxa bilməyəcəyi bildirilib.
Qeyd edək ki, Osimhen A seriyasının 13-cü turunda “İnter”ə 2:3 hesabı ilə uduzduqları oyunda rəqib komandanın müdafiəçisi Milan Şkrinyarla toqquşaraq zədələnib. Bu mövsüm 14 matçda 9 qol vuran hücumçu “Napoli”nin ən sərrast futbolçusudur.