Maradonanın doğulduğu evə tarixi abidə statusu verildi

Əfsanəvi argentinalı futbolçu Dieqo Maradonanın doğulduğu evə tarixi abidə statusu verilib.

Press.az xarici mediaya istinadən xəbər verir ki, bu barədə Argentina Prezidenti Alberto Fernandes sərəncam imzalayıb. 

Tarixi abidə statusu alan ev Buenos-Ayres əyalətinin Vilya Fiorito şəhərində yerləşir. Maradona həmin evdə 1960-cı il oktyabrın 30-da anadan olub. Üç otaqdan ibarət olan evin yanında Maradonanın ilk məşqinə başladığı futbol meydançası var. 

Xatırladaq ki, Maradona 2020-ci il noyabrın 25-də ürək çatışmazlığından dünyasını dəyişib.