Seyran Ohanyanın oğlu döyüşlərdə yaralanıb

Ermənistanın keçmiş Müdafiə naziri Seyran Ohanyanın oğlu Artur Ohanyan Qarabağdakı döyüş əməliyyatları zamanı yaralanıb.

Press.az “Sputnik Ermənistan”a istinadən xəbər verir ki, bu barədə Ohanyanın vəkili Karen Mezhlumyan məlumat yayıb.

“Yaralı idi, indi Qarabağdakı xəstəxanalardan birindədir. Başqa təfərrüatları deyə bilmərəm”,- deyə Mezhlumyan qeyd edib.

Onun hazırki vəziyyəti və nə vaxt yaralandığı barədə açıqlama verilməyib.

Qeyd edək ki, Ermənistan Müdafiə Nazirliyinin keçmiş rəhbəri Seyran Ohanyan sentyabrın 29-da Dağlıq Qarabağa getmişdi.