Pirallahıda narkotik satan şəxslər saxlanılıb
Press.Az xəbər verir ki, Pirallahı RPŞ-nin əməkdaşları keçirdikləri əməliyyat tədbiri nəticəsində qəsəbə sakini, əvvəllər məhkum olunmuş V.Abdullayevi saxlayıblar.
Şəxsi axtarış zamanı ondan 107 qram və qəsəbənin ərazisində gizlətdiyi 1 kq. 885 qram marixuana aşkar ediblər.
Bundan başqa, RPŞ əməkdaşlarının keçirdikləri əməliyyat tədbiri nəticəsində Bakı şəhər sakini V.Seyfullayevin “Fiat” markalı avtomobilindən 2 kq. 430 qram marixuana götürülüb.
RPŞ İstintaq bölməsində CM-nin 234-cü maddəsi ilə cinayət işləri başlanılıb.