Qaradağda mağaza və avtomobillərdən oğurluq edən 2 nəfər tutulub
Press.Az xəbər verir ki, Qaradağ RPİ 10-cu polis bölməsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki 1 mağazadan 6 ədəd mobil telefon, 2 avtomobildən 2 ədəd videoqeydiyyat qurğusu oğurlayan, habelə 1 avtomobildən oğurluğa cəhd göstərən Bakı şəhər sakinləri, əvvəllər məhkum olunmuşlar – R.Məmmədov və V.Cavadov saxlanılıblar.
Araşdırma zamanı, onların daha 4 avtomobildən pul, mobil telefon və yan güzgülərini oğurlamaları məlum olub.
Qaradağ RPİ İstintaq şöbəsində CM-nin 177.2.1-ci (oğurluq, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.