Qaxda 2 piyada vurularaq, öldürülüb
Press.Az xəbər verir ki, Qax şəhəri ərazisində, Baydarlı kənd sakini X.Bayramov idarə etdiyi “Ford” markalı avtomobillə şəhər sakini Arif Abdullayevi vurub.
Nəticədə xəstəxanaya yerləşdirilmiş piyada orada ölüb.
Bundan başqa, Qax İngiloy kəndində, kənd sakini A.Paplaşvili idarə etdiyi “KamAZ” markalı avtomaşınla Əmbərçay kənd sakini Fikrət Əhmədovu vurub.
Piyada aldığı xəsarətlərdən hadisə yerində ölüb.
DİN Baş İstintaq və Təhqiqat İdarəsində və Qax RPŞ-də faktlarla bağlı araşdırmalar aparılır.