Şirvanda DƏHŞƏT - Ər arvadını əvvəl boğub, sonra boğazını kəsdi

Şirvan rayonunda dəhşətli qətl hadisəsi olub.

Press.az-ın məlumatına görə, hadisə rayonun Cənub Sənaye Qovşağının inzibati binasında qeydə alınıb.

Şirvan şəhərində məskunlaşan Ağdam rayon sakini, 1986-cı il təvəllüdlü Nağıyev Sahib İdris oğlu ailə-məişət münaqişəsi zəminində həyat yoldaşı – Zəngilan rayon sakini, 1984-cü il təvəllüdlü Nağıyeva Pərvanə Vaqif qızını yaşadıqları mənzilin yataq otağında boğub, daha sonra onu bıçaqla qətlə yetirib.

Daha sonra S.Nağıyev hadisə barədə DİN-in “102” Zəng Mərkəzi Xidmətinə məlumat verib.

Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.