Gəncə sakinilərindən tiryək və marixuana götürülüb

Gəncə sakinilərindən tiryək və marixuana götürülüb

Press.Az xəbər verir ki, DİN Baş Narkotiklərlə Mübarizə İdarəsi (BNMİ)və Kəpəz RPİ əməkdaşlarının əldə edilmiş məlumat əsasında keçirdikləri birgə əməliyyat tədbiri nəticəsində narkotiklərin qanunsuz dövriyyəsində şübhəli bilinən Gəncə şəhər sakini, əvvəllər məhkum olunmuş S.Əzizov saxlanılıB.

Şəxsi axtarış zamanı ondan 12 qram, evindən isə 532 qram tiryək götürülüb.

Bundan başqa, Kəpəz RPİ əməkdaşlarının keçirdikləri əməliyyat tədbiri nəticəsində Gəncə şəhər sakini, əvvəllər məhkum olunmuş E.Hüseynov saxlanılıb.

Şəxsi axtarış zamanı ondan 446 qram marixuana aşkar edilib. 

Faktlarla bağlı CM-nin 234-cü maddəsi ilə cinayət işləri başlanılıb.